Nəhəng klublar niderlandlı gənc futbolçunu transfer etmək istəyir

Niderlandın "Ayaks" klubunun futbolçusu Rayan Qravenberx karyerasını İngiltərədə davam etdirə bilər.

"Report" "Goal" nəşrinə istinadən xəbər verir k, 18 yaşlı yarımmüdafiəçi "Mançester Yunayted"in diqqət mərkəzindədir.

Niderlandlı oyunçu ilə İtaliyanın "Yuventus" və İspaniyanın "Barselona" klubları da maraqlanır.

Qeyd edək ki, Rayan Qravenberx cari mövsüm Erediviziyada 4 oyunda meydanda olub və iki məhsuldar ötürmə ilə yadda qalıb. Qravenberx "Ayaks"ın yetirməsidir.