"Neftçi" - "Səbail" matçının yeri dəyişdirilib

Bakı. 7 may. REPORT.AZ/ Azərbaycan Premyer Liqasının XXVII turu çərçivəsində keçiriləcək "Neftçi" - "Səbail" matçının stadionu dəyişdirilib. 

"Report"un "Səbail" klubunun "Facebook" səhifəsinə istinadən verdiyi məlumata görə, qarşılaşma "Dalğa Arena"da keçiriləcək. Görüş saat 19:00-da başlanacaq. 

Qeyd edək ki, bu görüşün daha öncə "Bayıl Arena"da keçiriləcəyi gözlənilirdi. Oyun məkanının dəyişdirilməsi "Neftçi"nin ev oyunlarını keçirdiyi "Bakcell Arena"nın təmirə bağlanması ilə əlaqədardır.