Bakı. 29 mart. REPORT.AZ/ "Neftçi" və "Qarabağ" komandaları arasında keçiriləcək futbol üzrə Azərbaycan Kubokunun yarımfinal mərhələsinin ilk oyunu üçün biletləri satışa çıxarılıb.
"Report"un paytaxt təmsilçisinin rəsmi saytına istinadən verdiyi məlumata görə, biletlərin qiyməti VİP yerlər üçün 5, digər sektorlara isə 1 manat təşkil edir. Biletləri oyunun baş tutacağı "Bakcell Arena”nın kassalarından əldə etmək olar.
Qeyd edək ki, martın 30-da keçiriləcək görüş saat 19:30-da başlanacaq.