"Neftçi"nin qapıçısı: "Mənə hətta V liqa klublarından da təklif var idi"

"Mənə hətta V liqa klublarından da təklif var idi".

"Report"un məlumatına görə, bunu "Neftçi"nin xorvatiyalı qapıçısı İvan Brkiç ölkəsinin mətbuatına açıqlamasında deyib.

Mövsüm başa çatdıqdan sonra "ağ-qaralar"la 2 illik yeni müqaviləyə imza atan 28 yaşlı qolkiper Bakıda xoşbəxt olduğunu bildirib: "Ona görə də nəyisə dəyişməyə səbəb görmürəm. Daha 2 il burada oynamağa razılaşdım. Bir neçə yaxşı variantım olsa da, ən konkret təklifi "Neftçi"dən aldım və qalmağa qərar verdim".

Qeyd edək ki, 2022-ci ilin yanvarında "Neftçi"yə keçən İvan Brkiç bu müddətdə Premyer Liqada 37, ölkə kubokunda 9, avrokuboklarda isə 4 görüşdə meydana çıxıb.