"Neftçi"nin legioneri koronavirusa yoluxdu

"Neftçi"nin futbolçusu Prins İbarada koronavirus aşkarlanıb.

"Report" "africatopsports.com" saytına istinadən xəbər verir ki, konqolu futbolçu infeksiyaya millinin düşərgəsində yoluxub

Flaqmanın Mətbuat və İctimaiyyətlə Əlaqələr Departamentinin rəhbəri Rüstəm Allahverdiyev məlumatı təsdiqləyib. O bildirib ki, hələ Bakıya qayıtmayan 24 yaşlı hücumçu Portuqaliyada karantinə alınıb. Afrikalı forvardın təkrar testinin nəticəsi mənfi çıxandan sonra o, Azərbaycana gələcək.

Qeyd edək ki, oktyabrın 9-da keçirilmiş görüş Konqo yığmasının 0:1 hesablı məğlubiyyəti ilə başa çatıb.