"Neftçi" klubunun qış fasiləsindəki hazırlıq planı müəyyənləşib

Bakı. 7 dekabr. REPORT.AZ/ "Neftçi” klubunun qış fasiləsindəki hazırlıq planı müəyyənləşib. 

"Report" klubun rəsmi saytına istinadən xəbər verir ki, yanvarın 13-dən 27-dək Türkiyənin Antalya şəhərində olacaq komanda Manavqat bölgəsində yerləşən "The Sense De Luxe” otelində məskunlaşacaq.

Flaqman qonşu ölkədə 3 yoxlama görüşü keçirməyi planlaşdırır. Oyunlar yanvarın 18-i, 23-ü və 26-da olacaq. Paytaxt təmsilçisinin rəqibləri hələ ki, bəlli deyil.