"Neftçi” klubu daha bir futbolçusu ilə müqavilə müddətini uzadıb

Bakı. 17 iyun. REPORT.AZ/ "Neftçi” klubu daha bir futbolçusu ilə müqavilə müddətini uzadıb.

"Report"un klubun rəsmi saytına istinadən verdiyi məlumata görə, Azərbaycan yığmasının yarımmüdafiəçisi Emin Mahmudov daha 2 il "ağ-qara" formanı geyinəcək.

26 yaşlı oyunçu "ağ-qaralar"a ötən mövsümün əvvəllərində cəlb olunub. O, 27 oyunda 2 qola imza atıb.

"Neftçi" daha əvvəl Ruslan Abışov, Kirilo Petrov və Məhəmməd Mirzəbəyovla da müqaviləni yeniləyib.