"Napoli"nin futbolçusunda koronavirus aşkarlanıb

İtaliya "Napoli"sinin futbolçusu Matteo Politano koronavirusa yoluxub.

"Report" klubun rəsmi saytına istinadən xəbər verir ki, karantinə alınan 28 yaşlı hücumameylli yarımmüdafiəçi xəstəliyi simptomsuz keçirir.

Təcrübəli oyunçu koronavirus əleyhinə peyvəndin hər iki dozasını qəbul edib.

Qeyd edək ki, Matteo Politano cari mövsüm "Napoli"nin heyətində 16 oyun keçirib, 2 qol və 4 məhsuldar ötürmə ilə yadda qalıb.