“Monako” qovduğu baş məşqçiyə təzminat ödəyəcək

Bakı. 12 oktyabr. REPORT.AZ/ Fransanın “Monako” klubu baş məşqçi postundan kənarlaşdırdığı Leonardo Jardimə təzminat ödəyəcək.

“Report”un “A Bola”ya istinadən məlumatına görə, knyazlıq təmsilçisi müqaviləni birtərəfli pozduğu üçün 44 yaşlı portuqaliyalı mütəxəssisə 7 milyon avro verəcək.

Qeyd edək ki, Jardim 2014-cü ildən “Monako”ya rəhbərlik edirdi. 2016/2017 mövsümündə ölkə çempionu olan komanda bu mövsüm Fransa çempionatında keçirdiyi 9 oyundan 6 xal toplayıb və 18-ci pillədə qərarlaşıb.