MLS-də bir neçə yeni qayda sınaqdan keçiriləcək

ABŞ-nin MLS liqası növbəti mövsümdən etibarən bir neçə yeni qaydaları sınaqdan keçirəcək.

"Report" ESPN-ə istinadən xəbər verir ki, yeni dəyişikliyə əsasən, futbolçu dəyişikliyi 10 saniyə ərzində reallaşdırılmalıdır.

Gecikmə olacağı təqdirdə, meydana çıxmalı olan oyunçu əlavə bir dəqiqə gözləməli olacaq, bundan əlavə, görüşün növbəti dəfə dayandırılması zamanı oyuna girə biləcək. İstisnalar isə zədəlilərə və qapıçılara şamil ediləcək.

Stadiondakı tabloda əvvəllər yalnız əsas vaxt hesablanırdısa, indi əlavə edilmiş dəqiqəni görmək mümkün olacaq.

VAR qərarları isə hakimlər tərəfindən bütün stadiona elan ediləcək.

Qeyd edək ki, MLS-də yeni mövsüm 2024-cü ilin fevralında start götürəcək.