Millimizlə oyun öncəsi Portuqaliya yığmasında növbəti itkilər

Portuqaliya millisinin iki futbolçusu DÇ-2022-nin seçmə mərhələsinin Azərbaycan yığması ilə oyunu öncəsi son məşqə qatılmayıb.

"Report"un məlumatına görə, qapıçı Ruy Silva və sol cinah müdafiəçisi Rafael Gerreyru zədə səbəbindən hazırlıq prosesində iştirak etməyib.

Onların sabahkı qarşılaşmada oynamayacaqları gözlənilir.

Daha əvvəl Portuqaliya millisinin əsas qolkiperi Ruy Patrisiu və müdafiəçisi Pepe zədəli olduqları üçün heyətdən çıxarılıb.

Qeyd edək ki, İtaliyanın Turin şəhərindəki "Yuventus" stadionunda keçiriləcək görüş Bakı vaxtı ilə saat 23:45-də start götürəcək.