Millimizin baş məşqçisi: "Gələcəyin komandasını qurmağa çalışırıq"

Millimizin baş məşqçisi: "Gələcəyin komandasını qurmağa çalışırıq" "Çox çətin qrupa düşdük. 5-ci səbəbtən gəlmişik, qrupun sonuncu komandasıyıq. Amma bunu dəyişdirmək üçün əlimizdən gələni edəcəyik".
Futbol
458
9 Dekabr , 2020 20:24
Millimizin baş məşqçisi: Gələcəyin komandasını qurmağa çalışırıq
Canni De Byazi

"Çox çətin qrupa düşdük. 5-ci səbətdən gəlmişik, qrupun sonuncu komandasıyıq. Amma bunu dəyişdirmək üçün əlimizdən gələni edəcəyik".

"Report"un məlumatına görə, bunu Azərbaycan millisinin baş məşqçisi Canni De Byazi "Sportiva" radiosuna açıqlamasında DÇ-2022-nin seçmə mərhələsinin püşkünü dəyərləndirərkən deyib.

İtaliyalı mütəxəssis bildirib ki, komandası Portuqaliya, Serbiya, İrlandiya və Lüksemburqla matçlarda heç nə itirməyəcək: "Turnirə elə də çox olmayan oyunçu qrupu ilə başlayacağıq. Çünki liqada cəmi 8 komanda çıxış edir. Amma 2000, 2001 və 2002-ci il təvəllüdlü futbolçulardan ibarət yığmalarda kifayət qədər yaxşı uşaqlar var. Gələcəyin komandasını qurmağa çalışırıq".

64 yaşlı baş məşqçi milli üzvlərinin təcrübəsizlikdən əziyyət çəkdiyini söyləyib: "Çünki beynəlxalq səviyyədə rəqabət aparmaq üçün lazım olan keyfiyyət yoxdur. Digər tərəfdən, Azərbaycan Avropa İttifaqının üzvü olmadığı üçün futbolçular xarici çempionatlarda özlərinə yer tapmaqda çətinlik çəkirlər".

Qeyd edək ki, Azərbaycan millisi seçmə mərhələdə Portuqaliya, Serbiya, İrlandiya və Lüksemburqla birlikdə A qrupunda mübarizə aparacaq.

Son xəbərlər

Orphus sistemi