Millimizə daha bir futbolçu çağırıldı

UEFA Millətlər Liqasında Monteneqro və Kiprlə oyunlar öncəsi Azərbaycan yığmasının heyətinə daha bir futbolçu dəvət olunub.

"Report"un AFFA-nın rəsmi saytına istinadən məlumatına görə, “Neftçi” klubunun hücumçusu Mirabdulla Abbasov millinin hazırlıq prosesində iştirak edəcək.

Monteneqro ilə matç oktyabrın 10-da Podqoritsada, Kiprlə qarşılaşma isə oktyabrın 13-də Bakıda təşkil olunacaq.