"Milan" müdafiəçisi ilə müqavilənin müddətini uzadacaq

İtaliyanın "Milan" klubu futbolçusu Matteo Qabbia ilə müqavilənin müddətini uzadacaq.

"Report" xəbər verir ki, bu barədə məşhur insayder Fabritsio Romano sosial şəbəkə hesabında paylaşım edib.

Onun sözlərinə görə, 24 yaşlı müdafiəçinin yeni sözləşməsinin müddəti 2029-cu ilin yayına qədər nəzərdə tutulacaq.

Qeyd edək ki, M.Qabbia cari mövsüm A Seriyasında keçirdiyi 4 oyunda 2 qolla yadda qalıb.