Mbappe sentyabr ayı üçün "Real"ın ən yaxşı futbolçusu seçilib

Ispaniya təmsilçisi "Real"ın üzvü Kilian Mbappe azarkeşlərin səsverməsinə əsasən sentyabr ayı üçün klubun ən yaxşı futbolçusu seçilib.

"Report" xəbər verir ki, fransalı hücumçu sorğuda Dani Karvahal, Rodriqo, Eder Militao və Vinisius Junioru qabaqlayıb.

Qeyd edək ki, Mbappe cari mövsüm "Real"ın heyətində meydana çıxdığı 5 matçda 6 qol vurub.