Bakı. 17 avqust. REPORT.AZ/ "Qəbələ" keyfiyyətli futbol nümayiş etdirir. Sürətlə hücuma keçməyə qadir olan komandadır".
"Report"un məlumatına görə, bu fikirləri Sloveniyanın "Maribor" klubunun futbolçusu Aleks Pihler yerli mətbuata bildirib.
Avropa Liqasının "pley-off" mərhələsində Bakıda "Qəbələ"nin qonağı olacaq Sloveniya təmsilçisinin yarımmüdafiəçisi cütün favoriti olduqlarını deyib: "İstənilən halda "Maribor" favorit hesab olunur. Ancaq şansları bərabər dəyərləndirirəm".
Qeyd edək ki, avqustun 18-də "Dalğa Arena"da keçiriləcək "Qəbələ" - "Maribor" qarşılaşması saat 21:00-da başlayacaq. Cavab matçı bir həftə sonra Sloveniyada olacaq.