"Mançester Yunayted" "Vulverhempton"a qalib gəldi

"Mançester Yunayted" İngiltərə Premyer Liqasının 16-cı turunun matçında "Vulverhempton"la qarşılaşıb.

“Report” xəbər verir ki, görüş Mançesterdəki "Old Trafford" stadionunda keçib və meydan sahiblərinin 1:0 hesablı qələbəsi ilə qurtarıb.

Qarşılaşmada yeganə qol 93-cü dəqiqədə vurulub. "Mançester Yunayted"in hücumçusu Markus Raşford fərqlənib.

Bu oyundan sonra "Mançester Yunayted" 30 xalla turnir cədvəlində 2-ci sıraya yüksəlib. 21 xalı olan "Vulverhempton" 12-ci sırada qərarlaşıb.