"Mançester Yunayted" "Real Madrid"dən müdafiəçi alır

İngiltərənin "Mançester Yunayted" klubu futbolçu Rafael Varanın transferinə dair İspaniya "Real Madrid"i ilə razılığa gəlib.

"Report"un "Sky Sports"a istinadən məlumatına görə, tərəflər bonuslar da nəzərdə alınmaqla, 41 milyon funt sterlinqə (48 milyon avro) anlaşıblar. 28 yaşlı müdafiəçi tibbi müayinədən sonra rəsmi müqaviləyə imza atacaq.

Qeyd edək ki, Rafael Varan "Real Madrid"ə 2011-ci ildə Fransa "Lans"ından keçib. O, ötən mövsüm İspaniya çempionatında 31 oyuna 2 qol vurub.