Bakı. 11 noyabr. REPORT.AZ/ İngiltərənin "Everton" və "Mançester Yunayted" futbol klublarının sabiq baş məşqçisi Devid Moyes İspaniyanın "Real Sosyedad" komandasının sükanı arxasına keçib. "Report"un məlumatına görə, şotlandiyalı mütəxəssislə 2 illik müqavilə bağlanılıb.
Daha öncə "Real Sosyedad"ın Moyesdən yüksək maliyyə tələbləri ilə əlaqədar imtina etdiyi bildirilirdi.
Qeyd edək ki, İspaniya çempionatında 11 turdan sonra bask klubu 9 xalla 15-ci yeri tutur.