"Mançester Yunayted"in yarımmüdafiəçisi təyyarədə huşunu itirən sərnişinə kömək edib

Portuqaliya yığmasının və İngiltərənin "Mançester Yunayted" klubunun yarımmüdafiəçisi Brunu Fernandeş təyyarədə huşunu itirən sərnişinə kömək edib.

"Report"un "Business Cloud" nəşrinə istinadən məlumatına görə, xoşagəlməz hadisə Mançesterdən Lissabona gedən reysdə baş verib.

Suzanna Luso adlı sərnişin uçuş zamanı futbolçunun təyyarənin arxa hissəsindəki tualetə getdiyini və birdən kömək çağırışı eşitdiklərini bildirib. Luso səsi eşidən hər kəsin B.Fernandeşin huşunu itirən bir nəfəri qucağında tutduğunu gördüyünü deyib.

Qeyd edək ki, Portuqaliyalı futbolçu 2020-ci ildən "Mançester Yunayted"in formasını geyinir.