"Mançester Yunayted"in futbolçusu zorakılıqda ittiham olunur

İngiltərənin "Mançester Yunayted" klubunun futbolçusu Meyson Qrinvud zorakılıqda ittiham olunub.

"Report" xəbər verir ki, 21 yaşlı hücumçunun sevgilisi Harriet Robson bu barədə instaqramda paylaşım edib.

Zorakılığa məruz qaldığını iddia edən Robson üzündə, qollarında və ayaqlarında göyərmələri əks etdirən fotolar paylaşıb.

Qeyd edək ki, 2018-ci ildən əsas komandada çıxış edən Meyson Qrinvud "Mançester Yunayted"in yetirməsidir. Hücumçu cari mövsüm Premyer Liqada 18 oyuna çıxıb, 5 qol və 1 məhsuldar ötürmə ilə yadda qalıb.