"Mançester Yunayted" daha bir futbolçusu ilə vidalaşıb

İngiltərənin "Mançester Yunayted" klubu daha bir futbolçusu ilə yollarını ayırıb.

"Report" "qırmızı-şeytanlar"ın rəsmi saytına istinadən xəbər verir ki, Xuan Matanın iyunun sonlarında başa çatacaq müqaviləsi uzadılmayıb.

34 yaşlı yarımmüdafiəçi komandanı azad agent qismində tərk edəcək.

Qeyd edək ki, Xuan Mata 2014-cü ildən "Mançester Yunayted"in formasını geyinib. Klub daha əvvəl Pol Poqba ilə vidalaşıb.