"Mançester Yunayted" 36 yaşlı futbolçusu ilə müqavilə müddətini uzadıb

İngiltərənin "Mançester Yunayted" klubu təcrübəli futbolçusu Conni Evansla müqavilə müddətini uzadıb.

"Report" klubun mətbuat xidmətinə istinadən xəbər verir ki, "qırmızı şeytanlar"la 36 yaşlı oyunçu arasında 1 illik yeni sözləşmə imzalanıb.

Qeyd edək ki, "Mançester Yunayted"in yetirməsi olan şimali irlandiyalı müdafiəçi ötən mövsüm 30 oyunda meydana çıxıb.