“Liverpul”un ulduzu klubdakı gələcəyi ilə bağlı qərar verib

“Liverpul”un misirli hücumçusu Məhəmməd Salah mövsümün sonunda klubdan ayrılacağını bildirib.

Bu barədə “Report” “Sky Sports”a istinadən xəbər verir.

“Mən həqiqətən "Liverpul"la Premyer Liqanı qazanmaq istəyirəm. Bu mənim klubdakı son ilimdir, ona görə də şəhər üçün xüsusi bir şey etmək istəyirəm”, - Salah deyib.

Misirli yeni müqavilə ilə bağlı heç bir irəliləyişin olmadığını da qeyd edib. Hazırkı müqavilənin müddəti bu mövsümün sonunda - 2025-ci ilin yayında başa çatacaq.

32 yaşlı futbolçu 2017-ci ildən “Liverpul”da çıxış edir. O, klubda 375 matçda 231 qol vurub və 105 məhsuldar ötürmə edib.