"Liverpul" "Çelsi"yə qalib gələrək liderliyini qoruyub

İngiltərə Premyer Liqasının VIII turunun matçında "Liverpul" Londonun "Çelsi" klubuna 2:1 hesabı ilə qalib gəlib.

"Report" xəbər verir ki, 29-cu dəqiqədə hesabı "qırmızılar"ın futbolçusu Məhəmməd Salah penaltidən açıb.

"Zadəganlar"da Nikolas Cekson ikinci hissənin əvvəlində hesabı bərabərləşdirsə də, cəmi üç dəqiqə sonra Kertis Cons "Liverpul"u yenidən önə keçirib.

"Liverpul" 21 xalla turnir cədvəlində birinci yerdə qərarlaşıb. "Çelsi" 14 xalla altıncıdır.

“Mançester Siti” 20 xalla ikincidirsə, üçüncü yerdə 17 xalla Londonun “Arsenal” klubu qərarlaşıb.