“Liverpul” “Bavariya”nın yarımmüdafiəçisini transfer edib

İngiltərənin “Liverpul” klubu Almaniya təmsilçisi “Bavariya”dan yarımmüdafiəçi Rayan Qravenberxi transfer edib.

“Report” xəbər verir ki, bu barədə Mersisayd təmsilçisi məlumat yayıb.

Niderlandlı futbolçu bu gün məşq mərkəzində tibbi müayinədən keçib və uzun müddətli müqavilə bağlayıb. O, “Liverpul”da 38 nömrəli formanı geyinəcək.

İnsayder Fabritsio Romanonun sözlərinə görə, 21 yaşlı futbolçu “qırmızılar”a 40 milyon avroya başa gəlib.