Lionel Messi karyerasında 300-cü məhsuldar ötürməsini verib

İspaniyanın "Barselona" klubunun ulduz futbolçusu Lionel Messi növbəti uğura imza atıb.

"Report"un məlumatına görə, 34 yaşlı hücumçu ölkə kubokunun 1/4 finalında əlavə vaxtda "Qranada"ya 5:3 hesabı ilə qalib gəldikləri görüşdə məhsuldar ötürmə verib.

Messi 88-ci dəqiqədə Antuan Qrizmanın qol vurmasına yardımçı olub. Bu, argentinalı oyunçunun 300-cü dəqiq ötürməsi (259-u klubda, 41-i millidə) kimi tarixə düşüb.

Qeyd edək ki, "Qranada" - "Barselona" matçının əsas vaxtı 2:2 hesabı ilə yekunlaşıb.