Messi La Liqanın son turunda oynamayacaq

İspaniyanın "Barselona" klubunun ulduz futbolçusu Lionel Messi La Liqanın XXXVIII - sonuncu turunda oynamayacaq.

"Report" Kataloniya təmsilçisinin rəsmi tvitter hesabına istinadən xəbər verir ki, 34 yaşlı hücumçu "Eybar"la görüşdə meydana çıxmayacaq.

Argentinalı forvardın bu gün məşqçilər heyətinin icazəsi ilə hazırlıq prosesinə qatılmadığı da bildirilib.

Qeyd edək ki, mayın 22-də keçiriləcək "Eybar" - "Barselona" matçı Bakı vaxtı ilə saat 20:00-da başlayacaq. Mövsümün sonunda müqaviləsi başa çatacaq Messinin klubdan ayrılacağı gözlənilir.

"Barselona" sona bir tur qalmış La Liqada çempionluq şansını itirib.