Lionel Messi "Barselona"dakı gələcəyi ilə bağlı qərarını açıqladı

Lionel Messi "Barselona"dakı gələcəyi ilə bağlı qərarını açıqladı İspaniya "Barselona"sının futbolçusu Lionel Messi komandadan ayrılmayacaq.
Futbol
2352
4 Sentyabr , 2020 20:29
Lionel Messi Barselonadakı gələcəyi ilə bağlı qərarını açıqladı
Lionel Messi

İspaniya "Barselona"sının futbolçusu Lionel Messi komandadan ayrılmayacaq.

"Report" "Goal" nəşrinə istinadən xəbər verir ki, bu barədə argentinalı hücumçu özü məlumat verib.

33 yaşlı forvard bildirib ki, Kataloniya təmsilçisini tərk etmək istəsə də, klub rəhbərliyi buna icazə verməyib: "Narazı idim, getmək istəyirdim. Amma bunu etməyimə icazə vermədilər. Məhkəmə işləri ilə məşğul olmamaq üçün burada qalıram. Bartomeunun başçılıq etdiyi rəhbərlik sadəcə faciədir".

Qeyd edək ki, daha əvvəl Britaniya mətbuatı Lionel Messinin "Mançester Siti" ilə anlaşdığını yazmışdı. Hücumçu 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb.

Orphus sistemi