Levandovski şəxsi rekordunu yenilədi

Münhen "Bavariya”sının və Polşa yığmasının futbolçusu Robert Levandovski Almaniya Kubokunun yarımfinal matçında Frankfurt "Ayntraxt"ının qapısına qol vuraraq şəxsi rekordunu yeniləyib.

“Report” xəbər verir ki, bu, cari mövsümdə polşalı hücumçunun 45-ci qolu olub.

Bunun üçün ona 39 matç lazım olub.

Xatırladaq ki, Levandovski əvvəlki şəxsi rekorduna 2016/17 mövsümündə nail olub. O, 47 oyunda 43 dəfə rəqib komandaların qapılarına dəqiq zərbələr endirib.

"Bavariya" Almaniya Kubokunun final oyununda Leverkuzen "Bayer”i iIə qarşılaşacaq.