“Latsio” klubu yeni baş məşqçisini açıqlayıb

İtaliyanın “Latsio” klubunun yeni baş məşqçisi müəyyənləşib.

“Report”un klubun rəsmi saytına istinadən məlumatına görə, rəhbərlik bu posta Covanni Martuşellonu təyin edib.

Mauritsio Sarri ilə yollarını ayıran paytaxt təmsilçisi onun köməkçisini bu vəzifəyə gətirib. 52 yaşlı Martuşellonun nə vaxta qədər komandaya rəhbərlik edəcəyi bəlli deyil.

Qeyd edək ki, “Latsio” İtaliya A Seriyasında 28 turdan sonra 40 xalla 9-cu pillədə qərarlaşıb.