KİV: Roberto Mançini İtaliya yığması ilə anlaşıb

Bakı. 1 may. REPORT.AZ/ Rusiyanın "Zenit" klubunun baş məşqçisi Roberto Mançini futbol üzrə İtaliya milli komandası ilə anlaşıb.

"Report"un "Corriere dello Sport"a istinadən məlumatına görə, bu barədə rəsmi açıqlamanın mayın sonlarınadək veriləcəyi gözlənilir. 53 yaşlı mütəxəssisin millidə mayın 28-də Səudiyyə Ərəbistanı yığması ilə yoldaşlıq görüşündə debüt edəcəyi gözlənilir. Daha bir namizəd Karlo Ançelottinin isə millidə işləməkdən imtina etdiyi bildirilir.

Qeyd edək ki, Roberto Mançini "Zenit"ə 2017-2018 mövsümü ərəfəsində baş məşqçi təyin olunub. Onun klubla müqaviləsi 2020-ci ilədək nəzərdə tutulub.