KİV: Neymar "Real Madrid"ə keçmək istəyir

Bakı. 25 yanvar. REPORT.AZ/ Fransanın PSJ klubunun futbolçusu Neymar karyerasını İspaniya “Real Madrid”ində davam etdirmək istəyir.

“Report” AS-a istinadən xəbər verir ki, 26 yaşlı hücumçu “kral klubu”nda aşağı maaşa oynamağa da razıdır. Braziliyalı forvardın Fransa çempionatında çıxış etməkdən məyus olduğu bildirilir.

Qeyd edək ki, Neymar ötən yay 222 milyon avro qarşılığında “Barselona”dan PSJ-yə transfer olub. Fransa çempionatında keçirdiyi 15 oyunda 15 qol vurub, 13 məhsuldar ötürmə verən forvardın illik maaşı 38 milyon avrodur.