"Keşlə" - "Soçi" matçının saatı və hakimləri açıqlandı

"Keşlə" və Rusiyanın "Soçi" komandası arasında UEFA Konfrans Liqasının cavab oyununun saatı və hakimləri açıqlanıb.

"Report" xəbər verir ki, iyulun 29-da "ASK Arena"da keçiriləcək görüşü Belarusdan olan hakimlər briqadası idarə edəcək.

Saat 20:00-da başlanacaq matçın referisi Viktor Şimusikə yan xətt hakimləri qismində Anton Qusev və Sergey Kosovets yardımçı olacaq. Dördüncü hakim funksiyasını isə Vitali Sevostyanik yerinə yetirəcək.

Qeyd edək ki, bu komandalar arasında ilk görüş iyulun 22-də Rusiyada olacaq və Bakı vaxtı ilə saat 20:00-da start götürəcək.