"Keşlə" Antalyadakı sonuncu matçında Rusiya klubunu məğlub edib

Bakı. 25 yanvar. REPORT.AZ/ Türkiyənin Antalya bölgəsində təlim-məşq toplanışında olan "Keşlə" futbol komandası bu gün son yoxlama matçını keçirib.

"Report"un məlumatına görə, Tərlan Əhmədovun baş məşqçi olduğu kollektiv Rusiya I Divizionunda çıxış edən "Çertanovo" ilə üz-üzə gəlib. Qarşılaşma "Keşlə"nin 1:0 hesablı qələbəsi ilə qazanıb. Yeganə qolu Slavik Alxasov vurub.

Qeyd edək ki, "Keşlə" əvvəlki yoxlama matçlarında Özbəkistanın U-23 yığması ilə qolsuz heç-heçə etməklə yanaşı, Serbiyanın "Dinamo" (Vranye) komandasına 0:2, Qazaxıstan "Atırau"suna 1:3 hesabı ilə uduzub.