"Keşlə"nin qapıçısı əcnəbi həmkarlarını qabaqladı

"Keşlə"nin qapıçısı əcnəbi həmkarlarını qabaqladı "Keşlə"nin futbolçusuStanislav Namaşko Azərbaycanda Premyer Liqasında rekord müəyyənləşdirib.
Futbol
159
14 İyul , 2020 20:07
Keşlənin qapıçısı əcnəbi həmkarlarını qabaqladı

"Keşlə"nin futbolçusu Stanislav Namaşko Azərbaycanda Premyer Liqasında rekord müəyyənləşdirib.

"Report"un "Moldfootball.com" saytına istinadən məlumatına görə, mövsüm ərzində 7 oyunda qapısını toxunulmaz saxlamağı bacaran moldovalı qapıçı əcnəbi qolkiperlər arasında ən yaxşı göstəriciyə imza atıb.

İkinci pillədə mövsümün ilk hissəsini icarə əsasında "Qarabağ"da keçirən İngiltərə "Bornmut"una məxsus Asmir Beqoviç qərarlaşıb. Hazırda İtaliyanın "Milan" klubunun formasını geyinən bosniya və herseqovinalı qapıçı Azərbaycan çempionatında 6 qarşılaşmada qapısında qol görməyib.

"Dördlüy"ün digər iki üzvü isə "Sabah"dan Saşa Stamenkoviç və "Səbail"dən Aleksandr Rıbkadır. Serbiyalı və ukraynalı qolkiperlərin aktivində 3 "quru oyun" var.

Qeyd edək ki, Azərbaycan Premyer Liqası koronavirus pandemiyası səbəbindən vaxtından əvvəl başa çatdırılıb.

Son xəbərlər

Orphus sistemi