"Keşlə"nin afrikalı futbolçusu milli komandaya dəvət alıb

"Keşlə" klubunun futbolçusu Con Kamara Syerra-Leone millisinə dəvət alıb.

"Report"un məlumatına görə, 31 yaşlı yarımmüdafiəçi Afrika Millətlər Liqasının seçmə mərhələsində Lesoto və Benin yığmaları ilə oyunlar üçün komandaya çağırılıb. 

Qeyd edək ki, Syerra-Leonenin Lesoto komandası ilə görüşü noyabrın 11-də, Beninlə matçı isə noyabrın 19-da baş tutacaq.