"Keşlə"dən ayrılan futbolçu "Sabah" klubu ilə müqavilə bağlayıb

Bakı. 25 sentyabr. REPORT.AZ/ “Sabah” futbol komandası heyətini yeni futbolçu ilə gücləndirib. 

"Report" klubun rəsmi saytına istinadən xəbər verir ki, serbiyalı yarımmüdafiəçi Miloş Bosançiçlə mövsümün sonunadək müqavilə bağlanıb. 30 yaşlı futbolçu “Sabah”da 22 nömrəli formada çıxış edəcək.

Bosançiç karyerası ərzində Serbiyanın “Partizan” (2006-2008), OFK (2008), “Çukariçki” (2008-2009), “Srvena Zvezda” (2014-2015), Çexiyanın “Slovan Liberets” (2009-2012, 2017-2018), Portuqaliyanın “Boavişta” (2007-2008), Cənubi Koreyanın “Qyonqnam” (2013-2014), Taylandın “Tero Sasana” (2016-2017), Çinin “Qrintaun” (2015) klublarında çıxış edib. Onun son komandası Bakının “Keşlə” klubu olub.