Kərim Benzema 2025-ci ildə karyerasını başa vurmaq fikrində deyil

Səudiyyə Ərəbistanının "Əl-İttihad" klubunun hücumçusu Kərim Benzema 2025-ci ildə karyerasını başa vurmaq fikrində deyil.

"Report" xarici KİV-ə istinadən xəbər verir ki, futbolçu bu barədə özü açıqlama verib.

"Bu hekayələr həqiqətə uyğun deyil. Sadəcə, cəfəngiyyatdır. Özümü yaxşı hiss edirəm və hələ çox illər oynaya bilərəm", - deyə fransalı futbolçu bildirib.

K.Benzemanın 2025-ci ildə karyerasını başa vurmaq variantını nəzərdən keçirdiyi bildirilirdi.

Qeyd edək ki, 37 yaşlı hücumçunun klubu ilə hazırkı müqaviləsinin müddəti 2026-cı ilin yayına qədərdir.