"Kayrat"ın aparıcı futbolçusu "Qarabağ"la oyunda ciddi zədələnib

Qazaxıstanın "Kayrat" klubu ciddi itki ilə üzləşib.

"Report" yerli mətbuata istinadən xəbər verir ki, Almatı təmsilçisinin futbolçusu Yan Varaqovski evdə "Qarabağ"a qarşı UEFA Konfrans Liqasının qrup oyununda zədələnib.

73-cü dəqiqədə meydanı tərk edən 25 yaşlı aparıcı yarımmüdafiəçinin hansı müddətə sıradan çıxdığı bəlli deyil.

Qeyd edək ki, "Kayrat" - "Qarabağ" görüşü Ağdam klubunun 2:1 hesablı qələbəsi ilə başa çatıb.