"Yığmamız Antalyada hazırlığı davam etdirir. Sağ olsun, cənab nazirimiz bizimlə birlikdə idi".
"Report"un məlumatına görə, bu fikirləri Türkiyənin idman naziri Mehmet Muharrem Kasapoğlu Azərbaycan millisi ilə yoldaşlıq oyunu barədə danışarkən deyib.
Nazir matçı birlikdə izlədiyi AFFA prezidenti Rövnəq Abdullayevə təşəkkür edib: "Azərbaycan - Türkiyə qardaşlığı hər zaman davam edəcək. Komandada böyük inam var. İnanırıq ki, millimiz Avropa çempionatında bizi yaxşı təmsil edəcək".
Qeyd edək ki, qarşılaşma Türkiyə yığmasının 2:1 hesablı qələbəsi ilə yekunlaşıb.