İtaliyanın köklü klubu müflis elan olunub

İtaliyanın "Kataniya" klubu yerli şəhər məhkəməsinin qərarı ilə müflis elan olunub.

"Report"un "Calciomercato" nəşrinə istinadən məlumatına görə, Kataniya şəhərinin eyniadlı təmsilçisinin apellyasiya şikayəti vermək üçün 30 gün vaxtı var.

Komanda bu müddət başa çatanadək C seriyasında çıxışını davam etdirəcək.

Qeyd edək ki, 1908-ci ildə "Pro Patriya" adı ilə yaradılmış klub 1946-cı ildən "Kataniya" adlanır. A Seriyasında 14 mövsüm keçirmiş komanda sonuncu dəfə 7 il əvvəl elitada mübarizə aparıb. "Kataniya"nın yüksək liqada ən böyük uğuru 2 dəfə 8-ci yeri tutması olub.