İtaliya klubu karantinə alınıb

İtaliya "Udineze"si tam tərkibdə karantinə alınıb.

"Report" klubun rəsmi saytına istinadən xəbər verir ki, buna komandada koronavirusa yoluxma hallarının artması səbəb olub.

Kollektiv yerli səhiyyə orqanının qərarı ilə yanvarın 5-dən 9-dək təcrid olunub. Bu üzdən "Udineze"nin "Fiorentina"ya, və "Atalanta"ya qarşı keçirəcəyi çempionat oyunları baş tutmayacaq.

Klub görüşlərin təxirə salınması xahişi ilə A Seriyasının rəhbərliyinə müraciət etsə də, bunun mümkün olmadığı bildirilib. Bu halda komandaya texniki məğlubiyyət veriləcəyi gözlənilir.

Qeyd edək ki, indiyədək "Udineze"də 9 futbolçunun COVID-19 testi müsbət çıxıb.