İspaniya klubu Azərbaycan millisinin hücumçusunu transfer etmək istəyir

Rusiyanın "Tümen" klubunda çıxış edən Azərbaycan millisinin futzalçısı Rafael Vilela karyerasını İspaniyada davam etdirə bilər.

"Report" "Laopiniondemurcia" nəşrinə istinadən xəbər verir ki, 30 yaşlı hücumçu ilə "ElPozo" maraqlanır.

Amma hələlik tərəflər arasında rəsmi danışıq olmayıb.

Braziliyaəsilli oyunçunun ötən il 150 min avro qarşılığında İspaniya təmsilçisi "Palma"dan "Tümen"ə keçdiyi vurğulanıb.