İspan məşqçi "Sumqayıt"ı Superliqa klubuna dəyişdi

2019-cu ilin iyul ayından “Sumqayıt”ın əsas komandasının fiziki hazırlıq üzrə məşqçisi vəzifəsini icra edən Eduardo Karo Balada "gənclik şəhəri" təmsilçisindən ayrılıb.

"Report"un klubun rəsmi saytına istinadən məlumatına görə, ispan mütəxəssis Türkiyə Superliqasında çıxış edən Ankaranın “Gənclərbirliyi” komandasına yeni baş məşqçi təyin olunan Mert Nobre ilə çalışacaq.

"Sumqayıt" məşqçiyə komandaya göstərdiyi xidmətlərinə görə təşəkkür edib, yeni klubunda ona uğurlar arzulayıb.