"İnter" ukraynalı qapıçını transfer etmək istəyir

İtaliyanın "İnter" klubu Ukrayna millisinin və İspaniya təmsilçisi "Real"ın qapıçısı Andrey Lunini heyətinə qatmaq istəyir.

"Report" xəbər verir ki, bu barədə "El Nacional" məlumat yayıb.

25 yaşlı qolkiper Milan təmsilçisinin transfer siyahısındadır. Ölkə çempionu oyunçunu 36 yaşlı Yan Zommerə əvəzləyici kimi görür.

Qeyd edək ki, Andrey Lunin cari mövsüm Madrid təmsilçisinin heyətində beş matçda meydanda olub.