"İnter" baş məşqçisi ilə yeni müqavilə imzalayacaq

İtaliyanın "İnter" klubu baş məşqçisi Simone İnzaqinin müqaviləsinin müddətini uzadacaq.

"Report" xəbər verir ki, bu barədə məşhur insayder Nikolo Skira bildirib.

Onun sözlərinə görə, 47 yaşlı mütəxəssisin sözləşmə müddəti 2027-ci ilin yayına qədər nəzərdə tutulacaq.

Yeni müqavilədə İnzaqinin maaşının artırılması da nəzərdə tutulub.

Qeyd edək ki, Simone İnzaqi 2021-ci ilin yayında "İnter"in baş məşqçisi təyin olunub. Komanda ötən mövsüm UEFA Çempionlar Liqasının finalında İngiltərənin "Mançester Siti" klubuna 0:1 hesabı ilə uduzub. Milan təmsilçisi hazırda A Seriyasında 69 xalla liderdir.