İngiltərədə “Barnsli”nin futbolçularını daşıyan avtobus yolda yanıb

Böyük Britaniyada “Ekseter Siti” futbol klubu ilə qarşılaşmadan qayıdarkən “Barnsli”nin avtobusu yolda yanıb.

“Report” xəbər verir ki, bu barədə “Barnsli” klubunun rəsmi saytında yer alan məlumatda deyilir.

Qeyd olunub ki, avtobus hərəkətdə olarkən əvvəlcə nəqliyyat vasitəsində nasazlıq yaranıb, daha sonra yanmağa başlayıb.

Avtobusda olan klubun bütün oyunçuları və heyəti təhlükəsiz şəkildə təxliyə edilib, xəsarət alan olmayıb.