İngiltərədə növbəti dəfə koronavirusa yoluxma qeydə alındı

İngiltərə Çempionşipində futbolçular, məşqçilər və klub işçilərindən götürülmüş növbəti analizlərin nəticələri açıqlanıb. 

"Report" İngiltərə Futbol Liqasının (EFL) rəsmi saytına istinadən xəbər verir ki, 24 klubun 2 855 üzvündən test götürülüb, onlardan 1-nin nəticəsi müsbət olub. 

EFL həmin şəxsin kimliyini açıqlamayıb. 

Qeyd edək ki, iyunun 24-də Çempionşipdə daha 3 yoluxma qeydə alınıb. Dünən isə İngiltərə Premyer Liqasında bir futbolçuda koronavirus aşkarlanıb.