İngiltərə çempionatı: “Mançester Yunayted” ardıcıl üçüncü dəfə məğlub olub

Futbol üzrə İngiltərə çempionatının XIX turunun matçında "Nyukasl" səfərdə "Mançester Yunayted"i 2:0 hesabı ilə məğlub edib. Görüş "Old Trafford" stadionunda baş tutub.

"Report"un məlumatına görə, qolları Aleksander İsak (4-cü dəqiqə) və Joelinton (19-cu dəqiqə) vurublar.

“Mançester Yunayted” İngiltərə çempionatında ardıcıl üçüncü, son altı oyunda isə beşinci dəfə məğlub olub. Komanda 22 xalla turnir cədvəlində 14-cü pillədə qərarlaşıb. “Nyukasl” ardıcıl dördüncü qələbəsini qazanıb və 32 xalla 5-ci yerdədir.

“Mançester Yunayted” yanvarın 5-də səfərdə çempionatın lideri “Liverpul”la, "Nyukasl" yanvarın 4-də səfərdə "Tottenhem"lə qarşılaşacaq.